Nada,nada de entrevista en míseras habitacións, volvemos ao noso típico e querido plató, onde desparrafamos coma sempre e toleamos coma nunca (coma case nunca ), (como a miúdo ), (coma sempre ).E desta volta entrevisto a un valeroso aventureiro que levou a cabo fazañas que pouca xente lograría.
Read more...
Continuamos coa nosa andaian de entrevistas, pero desta volta poñémonos algo máis serios, máis filósofos…….. e este cambio merece un cambio de plató e iluminación. Aínda así, temos que pedir perdón por algúns problemas técnicos da imaxe, debido á crise monetaria que sofren os nosos petos e demáis lugares de almacenamento de dinheiro, e desde aquí queremos pedir axuda a todas aquelas persoas que nos ven pera melhorar a nosa exposición……se cola, cola.
Post Data: Non se admiten menos de cinco euros. Por certo, tamén aceptamos pago en especias ( xamón, lacón, queixo, chourizos, berzas, grelos…), todo o que nos serva para aforrar materia prima monetaria canxeábel por material de estudo e plató.
Volvemos nesta segunda entrega de entrevistas na que os temas de actualidade quedan fóra, máis que nada porque non os tocamos, iso xa o fan a xente que non ten nin maldita idea de nada. Nós, pola contra gústanos facer as cousas ben e tocar temas relevantes, temas que escupimos directamente desde a nosa mente ao exterior, e os receptores, que se adpaten se poden, nós sí que nos adaptamos, e continúan as risas ( polo menos pola nosa parte ). Que tontería temos enriba e que a gusto se sinte un despotricando sobre todo o que che pasa pola cabeza sen coutarse de nada, deberiádelo probar. Ala, se vos gusta ben, se non tamén, e ata a próxima.
Read more...
Espero que vos guste, porque promete unha segunda parte, non porque vos entusiasme vós, se non porque nós mesmos pasámolo de dama de burdel. Veña,animádevos a comentar, criticar, insultar…
Read more...Máis alá da nosa intención artística, rematamos por fusilar um clásico literario. Nom tocamos mal, desafinamos adrede, nom interpretamos peor, dámoslhe soltura. A imaxe nom está defuminada, son as continuas e inalterábeis gargalhadas do cámara.
Todo o anterior é mentira, pero nom iamos quedar tan mal...ou que queriades!!.
Desfrutade desta inigualábel orxía de gustos literarios e musicais.
Debemos aclarar, que todas as nosas creacións son froito da nosa incuestionábel improvisación, pero hai momentos que a inspiración sobrepasa á interpretación.Um bo exemplo é a primeira toma deste vídeo.
Read more...O home cadaleito,
sistemas inestábeis do lume da auga
dentro da subsceptibilidade
e tomando substancias psicotrópicas como o aire e po
esbardallou catrocentas verbas
e sufrindo as consecuencias duma vida mortal,
fixo do seu interior um basureiro
loitando contra os xermes espirituais,
entón impermeabilizou a súa alma.
Nom quixo resucitar,
o grilo arrastraba o trebo,
ata que se percatou que lhe faltaban seis folhas
achegándose pauseninhamente dixo...
e o mundo encolheuse ata implosionar numa vida
e sem mirar, comezou a berrar.
O desprezo apareceu sostido pola cantidade
cando rebentou os miolos contra o espelho.
O grilo anterior, sumerxíuse nos choros, nos choros vitais
e arrincou os olhos de socate.
Area, terra,soidade,esquizafrenia,alucinacións,
aramio de espinho
nom hai tolos na vida, hai uma vida de tolos.
Cadáver esquisito por Vitor e Skaltum alias Viskaltum
... Tarde, mal e arrastro.
Com este blog queremos iniciarvos na mística sabedoría que podemos chegar a inculcarvos se nos seguides habitualmente na nosa carreira de fondo. Demostrándovos valerosas teorías fundamentadas na perspectiva de catro completos ignorantes que nom saben, nin entenden, nin pretenden saber nada do mundo actual.
A ignorancia é a nosa maneira de pensar, pensádeo vós.
Juan alias Skaltum:
Frikazo que ten por obxectivo absorver o maior número de píxeles por segundo, grazas ás súas inseparábeis amigas, videoconsolas en xeral. Criticando, asoballando e menosprezando todo o que nom ten que ver co seu mundo virtual.
Vitor alias nom confirmado:
Segundo frikazo que ten como costume levar todo a uma prespectiva artística, desde o caldeiro da basura ata um rolo de papel hixiénico nos cales se adica a escribir poemas. Capaz de moldear medio quilo de arcilha para crear uma cabeza humana en menos de tres minutos corenta e cinco segundos.
Álex alias Fiuza:
Cocinheiro (especial mención paelha), naturalista e conservador das boas costumes galegas, como o baile ou o lanzamento de cazola de arroz. Um home galego que nunca utilizou, nin utilizará un paraugas, prefire saír á rúa ataviado co típico chuvasqueiro de palha. Pero despois de varios ataques por parte de dúas vacas e um rabanho de setenta e dúas ovelhas pasouse á pel sintética.
Martín alias Tinho:
Adícase a destruír calquera cousa que nom lhe pertenza. Gran aficionado aos cereais, causantes do seu bo tránsito intestinal (como um reloxo suízo ). Especializado en flambeados ( debido ao seu bo tránsito intestinal ). Viaxeiro en todos os sentidos, viaxou ao espazo contra um muro de formigón para ver as estrelas e todos os sitemas planetarios posíabeis. O dono do muro foi indemnizado cun capacho de area e um saco de cemento.
Tango e Twingo:
Criaturas místicas que acostuman aparecer no noso piso á hora de comer...sobre todo legumes.
Tango fai acto de presenza en forma de sapo cando algún de nós arrota, a clave para que desapareza é "pisádeo".
Twingo aínda nom ten forma física, pero xa vos podedes imaxinar por onde sae cando o chamamos.
Próximamente, en Moito Melhor, vídeos, fotos e textos serios... ben, intentarémolo.
- Eu nom o creooooo!!!!!!!!
© Blogger templates Newspaper II by Ourblogtemplates.com 2008
Back to TOP
